ხმელთაშუა ზღვის ქვეყნების დიეტა

ხმელთაშუა დიეტა აერთიანებს ხმელთაშუა ზღვის გარშემო მცხოვრები ერების (იტალია, საფრანგეთი, საბერძნეთი, ესპანეთი) ჯანსაღ კვებით ჩვევებს.

ხმელთაშუა სამზარეულო განსხვავებულია რეგიონის მიხედვით, მაგრამ ის ძირითადად დაფუძნებულია ხილზე, ბოსტნეულზე, ლობიოს ნაირსახეობებზე, მთლიან მარცვლეულზე, ზეთისხილის ზეთზე და თევზზე.

ეს დიეტა ასოცირებულია უკეთეს ჯანმრთელობაზე, მათ შორის ჯანმრთელ გულსისხლძარღვთა სისტემაზე.

2013 წლის კვლევამ აჩვენა, რომ ადამიანებს, რომლებიც მისდევენ ხმელთაშუა დიეტას, აქვთ გულის დაავადებებისა და ინსულტის ჩამოყალიბების 30%-ით ნაკლები რისკი.

შეგიძლიათ თქვენი კვება უფრო ხმელთაშუა გახადოთ თუ შეჭამთ:

  • მეტ სახამებლიან საკვებს, როგორიცაა პური და პასტა/მაკარონი
  • დიდი რაოდენობით ხილსა და ბოსტნეულს
  • ზომიერი რაოდენობის თევზს
  • ნაკლებ ხორცს
  • თუ აირჩევთ საკვებს, რომელიც დამზადებულია ბოსტნეულისგან ან მცენარეული ზეთისგან, როგორიცაა ზეითუნის ზეთი

ასეთი კვება ჰგავს დიდი ბრიტანეთის მთავრობის მიერ სწორი კვების თეფშში წარმოდგენილ რჩევებს, რომელიც გვიჩვენებს ბალანსირებული კვებისთვის საჭირო საჭმელს.

სწორი კვების თეფში გიჩვენებთ რა რაოდენობის საკვები უნდა მიიღოთ საკვების თითოეული ჯგუფიდან.

ამაში იგულისხმება ყველაფერი, რასაც დღის განმავლობაში ჭამთ, მათ შორის წახემსება. ასე რომ ეცადეთ გაითვალისწინოთ შემდეგი მითითებები:

  • მიირთვით ყოველდღიურად ხილისა და ბოსტნეულის სულ მცირე ხუთი ულუფა. გაიგეთ მეტი დღეში 5 ულუფის შესახებ.
  • საკვების ძირითადი ნაწილი უნდა შედგებოდეს სახამებლიანი საკვებისგან, როგორიცაა პური, ბრინჯი, პასტა, კარტოფილი. შეძლებისდაგვარად აირჩიეთ მთლიანი მარცვლის სახეობები, ან მიირთვით კარტოფილი კანიანად.
  • მიირთვით გარკვეული რაოდენობის ნაკლებცხიმიანი რძე და რძის პროდუქტები, როგორიცაა ყველი და მაწონი/იოგურტი. ესენი ცილისა და კალციუმის საუკეთესო წყაროებია.
  • გარკვეული რაოდენობით ნაკლებცხიმიანი ცილოვანი საკვები, როგორიცაა ხორცი, თევზი, კვერცხი, ლობიო, ან სხვა პარკოსანი კულტურები და ცილების სხვა არარძისპროდუქტოვანი წყაროები
  • შაქრიანი და ცხიმიანი საკვები მიირთვით ძალიან მცირე რაოდენობა, ან შეამცირეთ მათი მიღების სიხშირე.

კარგი იქნება, თუ ამ ბალანსს ყოველდღე დაიცავთ, მაგრამ არ არის აუცილებელი მისი ყოველ ჭამაზე დაცვა. შეიძლება ამ ბალანსის უფრო ხანგრძლივ პერიოდზე შენარჩუნება გაგიადვილდეთ, მაგალითად ერთი კვირის ფარგლებში.

ბოლო განხილვის თარიღი: 19/03/2015 შემდეგი განხილვის თარიღი: 19/03/2017