12 რჩევა, რომლებიც დაგეხმარებათ წონის დაკლებაში

მაქსიმალურად კარგად დაიწყეთ NHS-ის 12 კვირიანი წონაში დაკლების გეგმა, კვებასთან და ვარჯიშთან დაკავშირებით, ამ 12 რჩევის გამოყენებით.

 

1. არ გამოტოვოთ საუზმე

კვლევების თანახმად საუზმის ჭამა წონის კონტროლში გეხმარებათ. ადამიანები არ საუზმობენ, რადგან ჰგონიათ, რომ ეს წონის დაკლებაში დაეხმარებათ, მაგრამ ეს ასე არ არის. კვების გამოტოვება ასევე ცუდია ჯანმრთელობისთვის, რადგან შესაძლებელია მნიშვნელოვანი ნუტრიენტები (მკვებავი ნივთიერებები) გამოგვრჩეს. მან ასევე შეიძლება გამოიწვიოს ხშირი წახემსება, რადგან ადამიანი მშიერი იქნება. იხილეთ ხუთი ჯანსაღი საუზმე.

 

2. იკვებეთ რეგულარულად

ზოგიერთ ადამიანს ჰგონია, რომ კვების გამოტოვებით ისინი უფრო სწრაფად დაიკლებენ წონაში, მაგრამ სინამდვილეში დღის განმავლობაში რეგულარულად ჭამა კალორიების უფრო სწრაფად დაწვაში გვეხმარება და ცხიმიანი და შაქრიანი საკვების მიღების სურვილის ალბათობას ამცირებს. გაიგეთ მეტი ჯანსაღად კვების შესახებ.

 

3. ჭამეთ ბევრი ხილი და ბოსტნეული

ხილი და ბოსტნეული შეიცავს მცირე რაოდენობით ცხიმსა და შაქარს, და ბევრ უჯრედისს (ბოჭკოს), რაც წარმატებული წონის დაკლების სამი უმნიშვნელოვანესი ინგრიდიენტია. ისინი ასევე შეიცავს ბევრ ვიტამინსა და მინერალს. წაიკითხეთ დღეში 5 პორცია ხილისა და ბოსტნეულის მიღების შესახებ.

 

4. გახდით უფრო აქტიურები

კვლევებმა აჩვენა, რომ რეგულარული ფიზიკური აქტივობა წონის დაკლებისა და შედეგის შენარჩუნების მნიშვნელოვანი ნაწილია. ეს ასევე შეიცავს უამრავ დადებით მხარეს ჯანმრთელობისთვის. ვარჯიში გეხმარებათ იმ ზედმეტი კალორიების დაწვაში რომელთა შემცირებაც მხოლოდ დიეტით ვერ ხერხდება. იპოვეთ აქტივობა, რომელიც მოგწონთ და რომელიც ჩაჯდება თქვენს გრაფიკში.

 

5. დალიეთ საკმარისი რაოდენობის წყალი

ხანდახან ადამიანებს ერთმანეთში ერევათ შიმშილი და წყურვილი. შესაძლებელია იღებდეთ ზედმეტ კალორიებს მაშინ, როცა რეალურად ერთი ჭიქა წყალი გჭირდებათ. დღეში დაახლოებით ექვსიდან რვამდე ჭიქა (1.2 ლიტრი) სითხის დალევას უნდა ახერხებდეთ (სასურველია წყლის), ან უფრო მეტის იმ შემთხვევაში, თუ ცხელა ან ვარჯიშობთ. გაიგეთ მეტი დეჰიდრატაციის შესახებ.

 

6. მიიღეთ უჯრედისის (ბოჭკოს) დიდი რაოდენობით შემცველისაკვები

უჯრედისის (ბოჭკოს) მაღალი შემცველობის მქონე საკვები დაგეხმარებათ ხანგრძლივად იგრძნოთ თავი დანაყრებულად, რაც მშვენიერია წონის დაკლებისთვის. უჯრედისი (ბოჭკო) გვხვდება მხოლოდ მცენარეულ საკვებში, როგორიც არის ხილი და ბოსტნეული, შვრია, მთლიანი მარცვლის პური, ყავისფერი ბრინჯი და მაკარონი, ლობიოს სახეობები.

 

7. წაიკითხეთ საკვების ეტიკეტები

საკვების ეტიკეტების კითხვის ცოდნა დაგეხმარებათ უფრო ჯანსაღი საკვების არჩევაში და მიღებული კალორიების, შაქრის, ცხიმისა და მარილის რაოდენობის გაკონტროლებაში. გამოიყენეთ კალორიულობის ინფორმაცია იმის გასარკვევად, თუ რადენად ჯდება კონკრეტული საკვები თქვენი კალორიების დღიურ ნორმაში, გეგმის მიხედვით. გაიგეთ მეტი საკვების ეტიკეტების კითხვის შესახებ.

 

8. გამოიყენეთ უფრო პატარა თეფში

კვლევების თანახმად ადამიანები, ვინც უფრო პატარა თეფშებს იყენებს, ჭამენ უფრო მცირე პორციებს, მაგრამ მაინც ნაყრდებიან. უფრო პატარა თეფშებითა და ჯამებით ჭამით დროთა განმავლბაში შესაძლებელია გარეშე ნაკლების ჭამას მიეჩვიოთ. იმისთვის, რომ მუცელმა ტვინს დანაყრების შესახებ აგრძნობინოს სჭირდება დაახლოებით 20 წუთი, ამიტომ ჭამეთ ნელა და შეწყვიტეთ იქამდე, სანამ თავს მთლიანად დანაყრებულად იგრძნობთ.

 

9. არ აიკრძალოთ საკვები

არ აიკრძალოთ საკვები, განსაკუთრებით ის, რომელიც მოგწონთ. საჭმლის აკრძალვა მას უფრო მეტად მოგანდომებთ. ხალდახან შეგიძლიათ მიირთვათ ეს საკვები თქვენი მისაღები კალორიების რაოდენობის ფარგლებში.

 

10. არ შეინახოთ არაჯანსაღი საკვები

სურვილის თავიდან ასარიდებლად სახლში არ იქონიოთ ისეთი საკვები, როგორიც არის შოკოლადი, პეჩენიები და ტკბილი სასმელი. ამის ნაცვლად, შეინახეთ ჯანსაღი საკვები, როგორიც არის ხილი, უმარილო ბრინჯის პეჩენიები, უმარილო ან უშაქრო პოპკორნი და ხილის წვენი.

 

11. მიიღეთ ნაკლები ალკოჰოლი

იცოდით, რომ ერთი ჭიკა ღვინო შეიცავს იგივე რაოდენობის კალორიებს, რამდენსაც შოკოლადის ნატეხი? და ნახევარ ლიტრ ლუდში დაახლოებით იმდენივე კალორიაა, რამდენიც ჩიფსების შეფუთვაში? ალკოჰოლის მიღებამ დროთა განმავლობაში, შეიძლება წონაში მატებას შეუწყოს ხელი. გაიგეთ მეტი ალკოჰოლის კალორიულობის შესახებ.

 

12. წინასწარ დაგეგმეთ თქვენი კვება

დაგეგმეთ თქვენი საუზმე, სადილი, ვახშამი და წახემსება მომდევნო კვირისთვის, კალორიების მისაღები რაოდენობის გათვალისწინებით. შეეცადეთ ოთხიდან შვით დღემდე მისაღები საკვები დაგეგმოთ. შეადგინეთ საყიდლების სია, მაგრამ არ წახვიდეთ მაღაზიაში მშივრები, რადგან ამან მაღალი კალორიულობის საკვების იმპულსური ყიდვა შეიძლება გამოიწვიოს.

ბოლო განხილვის თარიღი: 5/12/2014 შემდეგი განხილვის თარიღი: 5/12/2016