ფაქტები მარილის შესახებ

სუფრის მარილის მოჭარბებულმა მიღებამ შესაძლოა გამოიწვიოს მაღალწნევიანობა, რაც საბოლოოდ მნიშვნელოვნად ზრდის გულ-სისხლძარღვთა დაავადებების და გაჟონვის განვითარების საფრთხეს.

მაღალწნევიანობას, როგორც წესი სიმპტომები არ გააჩნია, მაგრამ გრძელვადიან პერიოდში ძალიან ზრდის ზემოთ აღნიშნული დაავადებების განვითარების რისკს.

დადგენილია, რომ კვების რაციონში სუფრის მარილის რაოდენობის შემცირებით მცირდება სისხლის არტერიული წნევაც.

მარილის დიდი რაოდენობით შემცველობა მხოლოდ სიმლაშის შეგრძნებით არ განისაზღვრება. ზოგადად სიმლაშის შეგრძნება გემოვნებაზე და გემოს აღქმაზეა დამოკიდებული, რაც მნიშვნელოვნად იცვლება დროთა განმავლობაში მიღებული საკვების მარილიანობის შესაბამისად.

საკვებში მარილის დამატება არ არის საჭირო იმისთვის რომ გადააჭარბოთ მარილის მიღების ნორმებს, რადგან მარილის 75%-ს ჩვენ ვიღებთ უკვე მზა პროდუქტებიდან, როგორიცაა მზა პროდუქტი, პური, სალათები და ა.შ.

გაიგეთ მეტი, თუ როგორ შეიძლება შეამციროთ მარილის მიღება ნაკლებ-მარილიანი დიეტის შესახებ სტატიაში.

 

რა რაოდენობის მარილი არის დასაშვები ზრდასრული ადამიანებისთვის?

ზრდასრული ადამიანებისთვის მარილის დღიურად დასაშვები მაქსიმალური რაოდენობა შეადგენს 6გ-ს, რაც დაახლოებით ტოლია ერთი ჩაის კოვზისა. ბავშვებმა უნდა მიიღონ გაცილებით ნაკლები (იხილეთ ქვემოთ რეკომენდაციები ბავშვებისთვის).

 

მარილი და ნატრიუმი საკვებში

სუფრის მარილი ქიმიური შემადგენლობის მიხედვით წარმოადგენს ნატრიუმის ქლორიდს. ხანდახან ზოგიერთი მწარმოებელი სუფრის მარილის ნაცვლად საკვების შემადგენლობის ეტიკეტზე აწერს ნატრიუმის შემცველობას. ნატრიუმის შემცველობის მიხედვით მარილის დადგენა ძალიან მარტივია, ნატრიუმის რაოდენობა უნდა გაამრავლოთ 2.5-ზე და მიიღებთ სუფრის მარილის შემცველობას პროდუქტში: მარილი=ნატრიუმი*2.5.

შესაბამისად ზრდასრულმა ადამიანებმა არ უნდა მიიღონ დღეში 2.4გ-ზე მეტი ნატრიუმი.

 

მარილის რაოდენობის შესამოწმებლად, პროდუქტებზე გადაამოწმეთ კვებითი ღირებულების ეტიკეტები

მარილის რაოდენობის შესამცირებლად, ერთ-ერთი მნიშვნელოვანი რჩევაა, რომ ყურადღებით შეამოწმოთ საკვების კვებითი ღირებულების ეტიკეტი მის ყიდვამდე:

  • 100 გრამ პროდუქტში 1.5 გრამ მარილზე (ან 0.6 გრამ ნატრიუმზე) მეტი შემცველობა ითვლება მარილის მაღალ დონედ
  • დაბალ დონედ მიჩნეულია 100 გრამ პროდუქტზე მარილის 0.3 გრამის (ან 0.1 გრამი ნატრიუმის) შემცველობა.

ზოგიერთი მზა საჭმელი, ან ნახევრად-მომზადებული საკვები პროდუქტი მათი მომზადების წესებიდან გამომდინარე საწყისი ეტაპიდან მაღალი მარილის შემცველობით გამოირჩევა. ხშირად საკმაოდ დიდი რაოდენობის მარილის მიღება გვიწევს შედარებით ნაკლებ-მარილიანი პურისა და ბურღულეულისგანაც კი, რადგან მათ დიდი რაოდენობით მივირთმევთ.

 

მარილიანი საჭმელები

ეცადეთ ნაკლები რაოდენობით მიირთვათ საჭმელები, რომლებიც შეიცავენ დიდი რაოდენობით მარილს:

  • დამარილებული თევზები;
  • ბეკონი და ლორი;
  • მარილიანი ყველი;
  • ზეთისხილი;
  • ზღვის პროდუქტები;
  • მწნილები;
  • ძეხვეული;
  • მარილიანი თხილი;
  • შებოლილი ხორცი და თევზი;
  • სოიოს სოუსი და ა.შ.

თუ თქვენ ხშირად უმატებთ მარილს საკვებს, ეცადეთ შეამციროთ ეს რაოდენობა, თქვენი საკვები უკვე შეიცავს საკმაო რაოდენობით მარილს. შეამოწმეთ საკვების კვებითი ღირებულება მარილის რაოდენობის სანახავად და ეცადეთ შეარჩიოთ საკვები ნაკლები მარილის შემცველობით.

 

მარილის დასაშვები რაოდენობა ბავშვებში და მოზარდებში

ერთ წლამდე ბავშვებისთვის დასაშვები ნორმა შეადგენს 1 გრამ სუფრის მარილს დღის განმავლობაში. თუმცა გასათვალისწინებელია, რომ მეძუძური ბავშვები მარილის საკმარის რაოდენობას იღებენ დედის რძისგან, რადგან დედის რძე ბუნებრივად შეიცავს მარილის საუკეთესო კონცენტრაციას ბავშვისთვის, შესაბამისად არ დაუმატოთ მარილი რძეს.

შემდეგი ცხრილი დაგეხმარებათ განსაზღვროთ მარილის რაოდენობა თქვენი ბავშვებისთვის:

  • 1-დან 3 წლამდე - 2 გრამი დღეში (0.8 გრამი ნატრიუმი)
  • 4-დან 6 წლამდე - 3 გრამი დღეში (1.2 გრამი ნატრიუმი)
  • 7-დან 10 წლამდე - 5 გრამი დღეში (2 გრამი ნატრიუმი)
  • 11 წლიდან - 6 გრამი დღეში (2.4 გრამი ნატრიუმი)

დიდი რაოდენობის მარილის მიღების შედეგების შესახებ შეგიძლიათ გაეცნოთ სამეცნიერო ნაშრომს მარილისა და ჯანმრთელობის შესახებ (ინგლისურ ენაზე PDF, 372kb).

 

Image courtesy of Mister GC at FreeDigitalPhotos.net

ბოლო განხილვის თარიღი: 3/04/2014 შემდეგი განხილვის თარიღი: 3/04/2016